|
Incipit
V.
Deus +
in adjutorium meum intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Psalmi
{ex Proprio de Tempore}
Ant.
Canite tuba * in Sion, quia prope est dies Domini: ecce veniet
ad salvandum nos alleluia, alleluia.
Psalmus 109 [1]
109:1
Dixit Dóminus Dómino meo: * sede a dextris meis:
109:2
Donec ponam inimícos tuos, * scabéllum pedum tuórum.
109:3
Virgam virtútis tuæ emíttet Dóminus ex Sion: * domináre in médio
inimicórum tuórum.
109:4
Tecum princípium in die virtútis tuæ in splendóribus sanctórum:
* ex útero ante lucíferum génui te.
109:5
Jurávit Dóminus, et non poenitébit eum: * Tu es sacérdos in
ætérnum secúndum órdinem Melchísedech.
109:6
Dóminus a dextris tuis, * confrégit in die iræ suæ reges.
109:7
Judicábit in natiónibus, implébit ruínas: * conquassábit cápita
in terra multórum.
109:8
De torrénte in via bibet: * proptérea exaltábit caput.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Canite tuba * in Sion, quia prope est dies Domini: ecce veniet
ad salvandum nos alleluia, alleluia.
Ant.
Ecce veniet * desideratus cunctis Gentibus: et replebitur gloria
domus Domini, alleluia.
Psalmus 110
[2]
110:1
Confitebor tibi, Dómine, in toto corde meo: * in consílio
justórum, et congregatióne.
110:2
Magna ópera Dómini: * exquisíta in omnes voluntátes ejus.
110:3
Conféssio et magnificéntia opus ejus: * et justítia ejus manet
in sæculum sæculi.
110:4
Memóriam fecit mirabílium suórum, miséricors et miserátor
Dóminus: * escam dedit timéntibus se.
110:5
Memor erit in sæculum testaménti sui: * virtútem óperum suórum
annuntiábit pópulo suo:
110:6
Ut det illis hereditátem géntium: * ópera mánuum ejus véritas,
et judícium.
110:7
Fidélia ómnia mandáta ejus: confirmáta in sæculum sæculi, *
facta in veritáte et æquitáte.
110:8
Redemptiónem misit pópulo suo: * mandávit in ætérnum testaméntum
suum.
110:9
Sanctum, et terríbile nomen ejus: * inítium sapiéntiæ timor
Dómini.
110:10
Intelléctus bonus ómnibus faciéntibus eum: * laudátio ejus manet
in sæculum sæculi.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Ecce veniet * desideratus cunctis Gentibus: et replebitur gloria
domus Domini, alleluia.
Ant.
Erunt prava * in directa, et aspera in vias planas: veni Domine,
et noli tardare, alleluia.
Psalmus 111
[3]
111:1
Beátus vir, qui timet Dóminum: * in mandátis ejus volet nimis.
111:2
Potens in terra erit semen ejus: * generátio rectórum
benedicétur.
111:3
Glória, et divítiæ in domo ejus: * et justítia ejus manet in
sæculum sæculi.
111:4
Exórtum est in ténebris lumen rectis: * miséricors, et
miserátor, et justus.
111:5
Jucúndus homo qui miserétur et cómmodat, dispónet sermónes suos
in judício: * quia in ætérnum non commovébitur.
111:6
In memória ætérna erit justus: * ab auditióne mala non timébit.
111:7
Parátum cor ejus speráre in Dómino, confirmátum est cor ejus: *
non commovébitur donec despíciat inimícos suos.
111:8
Dispérsit, dedit paupéribus: justítia ejus manet in sæculum
sæculi, * cornu ejus exaltábitur in glória.
111:9
Peccátor vidébit, et irascétur, déntibus suis fremet et
tabéscet: * desidérium peccatórum períbit.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Erunt prava * in directa, et aspera in vias planas: veni Domine,
et noli tardare, alleluia.
Ant.
Dominus veniet, * occurrite illi, dicentes: Magnum principium,
et regni ejus non erit finis: Deus, fortis, dominator, princeps
pacis, alleluia, alleluia.
Psalmus 112
[4]
112:1
Laudáte, púeri, Dóminum: * laudáte nomen Dómini.
112:2
Sit nomen Dómini benedíctum, * ex hoc nunc, et usque in sæculum.
112:3
A solis ortu usque ad occásum, * laudábile nomen Dómini.
112:4
Excélsus super omnes gentes Dóminus, * et super cælos glória
ejus.
112:5
Quis sicut Dóminus, Deus noster, qui in altis hábitat, * et
humília réspicit in cælo et in terra?
112:6
Súscitans a terra ínopem, * et de stércore érigens páuperem:
112:7
Ut cóllocet eum cum princípibus, * cum princípibus pópuli sui.
112:8
Qui habitáre facit stérilem in domo, * matrem filiórum lætántem.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Dominus veniet, * occurrite illi, dicentes: Magnum principium,
et regni ejus non erit finis: Deus, fortis, dominator, princeps
pacis, alleluia, alleluia.
Ant.
Omnipotens sermo tuus * Domine a regalibus sedibus veniet,
alleluia.
Psalmus 113
[5]
113:1
In éxitu Israël de Ægýpto, * domus Jacob de pópulo bárbaro:
113:2
Facta est Judæa sanctificátio ejus, * Israël potéstas ejus.
113:3
Mare vidit, et fugit: * Jordánis convérsus est retrórsum.
113:4
Montes exsultavérunt ut aríetes, * et colles sicut agni óvium.
113:5
Quid est tibi, mare, quod fugísti: * et tu, Jordánis, quia
convérsus es retrórsum?
113:6
Montes, exsultástis sicut aríetes, * et colles, sicut agni
óvium.
113:7
A fácie Dómini mota est terra, * a fácie Dei Jacob.
113:8
Qui convértit petram in stagna aquárum, * et rupem in fontes
aquárum.
113:9
Non nobis, Dómine, non nobis: * sed nómini tuo da glóriam.
113:10
Super misericórdia tua, et veritáte tua: * nequándo dicant
gentes: Ubi est Deus eórum?
113:11
Deus autem noster in cælo: * ómnia quæcúmque vóluit, fecit.
113:12
Simulácra géntium argéntum, et aurum, * ópera mánuum hóminum.
113:13
Os habent, et non loquéntur: * óculos habent, et non vidébunt.
113:14
Aures habent, et non áudient: * nares habent, et non odorábunt.
113:15
Manus habent, et non palpábunt: pedes habent, et non ambulábunt:
* non clamábunt in gútture suo.
113:16
Símiles illis fiant qui fáciunt ea: * et omnes qui confídunt in
eis.
113:17
Domus Israël sperávit in Dómino: * adjútor eórum et protéctor
eórum est,
113:18
Domus Aaron sperávit in Dómino: * adjútor eórum et protéctor
eórum est,
113:19
Qui timent Dóminum, speravérunt in Dómino: * adjútor eórum et
protéctor eórum est.
113:20
Dóminus memor fuit nostri: * et benedíxit nobis:
113:21
Benedíxit dómui Israël: * benedíxit dómui Aaron.
113:22
Benedíxit ómnibus, qui timent Dóminum, * pusíllis cum majóribus.
113:23
Adjíciat Dóminus super vos: * super vos, et super fílios
vestros.
113:24
Benedícti vos a Dómino, * qui fecit cælum, et terram.
113:25
Cælum cæli Dómino: * terram autem dedit fíliis hóminum.
113:26
Non mórtui laudábunt te, Dómine: * neque omnes, qui descéndunt
in inférnum.
113:27
Sed nos qui vívimus, benedícimus Dómino, * ex hoc nunc et usque
in sæculum.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Omnipotens sermo tuus * Domine a regalibus sedibus veniet,
alleluia.
Capitulum Hymnus Versum
{ex Proprio de Tempore}
1 Cor 4:1-2
Fratres:
Sic nos existimet homo ut ministros Christi, et dispensatores
mysteriorum Dei. Hic jam quaeritur inter dispensatores, ut
fidelis quis inveniatur.
R.
Deo gratias
Hymnus
Creator
alme siderum,
Aeterna lux credentium,
Jesu, Redemptor omnium,
Intende votis supplicum.
Qui daemonis ne fraudibus
Periret orbis, impetu
Amoris actus, languidi
Mundi medela factus es.
Commune qui mundi nefas
Ut expiares, ad crucem
E Virginis sacrario
Intacta prodis victima.
Cujus potestas gloriae
Nomenque cum primum sonat,
Et coelites et inferi
Tremente curvantur genu.
Te deprecamur ultimae
Magnum diei Judicem,
Armis supernae gratiae
Defende nos ab hostibus.
Virtus, honor, laus, gloria
Deo Patri cum Filio,
Sancto simul Paraclito,
In saeculorum saecula.
Amen.
V.
Rorate coeli desuper, et nubes pluant justum
R.
Aperiatur terra et germinet salvatorem
Canticum Magnificat
{Antiphona ex Proprio de Tempore}
Ant.
O clavis David * et sceptrum domus Israel; qui aperis, et nemo
claudit; claudis, et nemo aperit: veni, et educe vinctum de domo
carceris, sedentem in tenebris, et umbra mortis.
(Canticum Mariae * Luc.
1:46-55)
1:46
Magníficat * ánima mea Dóminum.
1:47
Et exsultávit spíritus meus: * in Deo, salutári meo.
1:48
Quia respéxit humilitátem ancíllæ suæ: * ecce enim ex hoc beátam
me dicent omnes generatiónes.
1:49
Quia fecit mihi magna, qui potens est: * et sanctum nomen ejus.
1:50
Et misericórdia ejus, a progénie in progénies: * timéntibus eum.
1:51
Fecit poténtiam in bráchio suo: * dispérsit supérbos mente
cordis sui.
1:52
Depósuit poténtes de sede: * et exaltávit húmiles.
1:53
Esuriéntes implévit bonis: * et dívites dimísit inánes.
1:54
Suscépit Israël púerum suum: * recordátus misericórdiæ suæ.
1:55
Sicut locútus est ad patres nostros: * Ábraham, et sémini ejus
in sæcula.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
O clavis David * et sceptrum domus Israel; qui aperis, et nemo
claudit; claudis, et nemo aperit: veni, et educe vinctum de domo
carceris, sedentem in tenebris, et umbra mortis.
Preces Feriales{omittitur}
Oratio
{ex Proprio de Tempore}
V.
Domine exaudi orationem meam
R.
Et clamor meus ad te veniat
Oremus
Excita, quaesumus Domine, potentiam tuam, et veni, et magna
nobis virtute succurre: ut per auxilium gratiae tuae, quod
nostra peccata praepediunt, indulgentia tuae propitiationis
acceleret
Qui
vivis et regnas cum Deo Patre, in unitate Spiritus Sancti,
Deus,in saecula saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusio
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen.
|
