|
Incipit
V.
Domine labia +
mea aperies.
R.
Et os meum annuntiabit laudem tuam.
V.
Deus +
in adjutorium meum
intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Invitatorium
{Antiphona ex Commune aut Festum}
Ant.
Regem Apostolorum Dominum, * Venite adoremus.
Ant.
Regem Apostolorum Dominum, * Venite adoremus.
Venite,
exsultemus Domino, jubilemus Deo, salutari nostro: praeoccupemus
faciem ejus in confessione, et in psalmis jubilemus ei.
Ant.
Regem Apostolorum Dominum, * Venite adoremus.
Quoniam
Deus magnus Dominus, et Rex magnus super omnes deos, quoniam non
repellet Dominus plebem suam: quia in manu ejus sunt omnes fines
terrae, et altitudines montium ipse conspicit.
Ant.
Venite adoremus.
Quoniam
ipsius est mare, et ipse fecit illud, et aridam fundaverunt
manus ejus venite, adoremus, et procidamus ante Deum: ploremus
coram Domino, qui fecit nos, quia ipse est Dominus, Deus noster;
nos autem populus ejus, et oves pascuae ejus.
Ant.
Regem Apostolorum Dominum, * Venite adoremus.
Hodie,
si vocem ejus audieritis, nolite obdurare corda vestra, sicut in
exacerbatione secundum diem tentationis in deserto: ubi
tentaverunt me patres vestri, probaverunt et viderunt opera mea.
Ant.
Venite adoremus.
Quadraginta
annis proximus fui generationi huic, et dixi; Semper hi errant
corde, ipsi vero non cognoverunt vias meas: quibus juravi in ira
mea; Si introibunt in requiem meam.
Ant.
Regem Apostolorum Dominum, * Venite adoremus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Venite adoremus.
Ant.
Regem Apostolorum Dominum, * Venite adoremus.
Hymnus
{ex Commune aut Festum}
Aeterna
Christi munera,
Apostolorum gloriam,
Palmas et hymnos debitos
Laetis canamus mentibus.
Ecclesiarum principes,
Belli triumphales duces,
Coelestis aulae milites,
Et vera mundi lumina.
Devota sanctorum fides,
Invicta spes credentium,
Perfecta Christi caritas
Mundi tyrannum conterit.
In his Paterna gloria,
In his triumphat Filius,
In his voluntas Spiritus,
Coelum repletur gaudio.
* Patri, simulque Filio,
Tibique sancte Spiritus,
Sicut fuit, sit jugiter
Saeclum per omne gloria.
Amen.
Psalmi cum
lectionibus
{Antiphonas et Psalmi ex Proprio Sanctorum}
Nocturn I.
Ant.
Vidit Dominus Petrum et Andream, et vocavit eos
Psalmus 18
[1]
18:1
Cæli enárrant glóriam Dei: * et ópera mánuum ejus annúntiat
firmaméntum.
18:2
Dies diéi erúctat verbum, * et nox nocti índicat sciéntiam.
18:3
Non sunt loquélæ, neque sermónes, * quorum non audiántur voces
eórum.
18:4
In omnem terram exívit sonus eórum: * et in fines orbis terræ
verba eórum.
18:5
In sole pósuit tabernáculum suum: * et ipse tamquam sponsus
procédens de thálamo suo:
18:6
Exsultávit ut gigas ad curréndam viam, * a summo cælo egréssio
ejus:
18:7
Et occúrsus ejus usque ad summum ejus: * nec est qui se
abscóndat a calóre ejus.
18:8
Lex Dómini immaculáta, convértens ánimas: * testimónium Dómini
fidéle, sapiéntiam præstans párvulis.
18:9
Justítiæ Dómini rectæ, lætificántes corda: * præcéptum Dómini
lúcidum; illúminans óculos.
18:10
Timor Dómini sanctus, pérmanens in sæculum sæculi: * judícia
Dómini vera, justificáta in semetípsa.
18:11
Desiderabília super aurum et lápidem pretiósum multum: * et
dulcióra super mel et favum.
18:12
Étenim servus tuus custódit ea, * in custodiéndis illis
retribútio multa.
18:13
Delícta quis intélligit? ab occúltis meis munda me: * et ab
aliénis parce servo tuo.
18:14
Si mei non fúerint domináti, tunc immaculátus ero: * et
emundábor a delícto máximo.
18:15
Et erunt ut compláceant elóquia oris mei: * et meditátio cordis
mei in conspéctu tuo semper.
18:15
Dómine, adjútor meus, * et redémptor meus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Vidit Dominus Petrum et Andream, et vocavit eos
Ant.
Venite post me, dicit Diis, faciam vos fieri piscatores hominum
Psalmus 33
[2]
33:1
Benedícam Dóminum in omni témpore: * semper laus ejus in ore meo.
33:2
In Dómino laudábitur ánima mea: * áudiant mansuéti, et læténtur.
33:3
Magnificáte Dóminum mecum: * et exaltémus nomen ejus in idípsum.
33:4
Exquisívi Dóminum, et exaudívit me: * et ex ómnibus
tribulatiónibus meis erípuit me.
33:5
Accédite ad eum, et illuminámini: * et fácies vestræ non
confundéntur.
33:6
Iste pauper clamávit, et Dóminus exaudívit eum: * et de ómnibus
tribulatiónibus ejus salvávit eum.
33:7
Immíttet Ángelus Dómini in circúitu timéntium eum: * et erípiet
eos.
33:8
Gustáte, et vidéte quóniam suávis est Dóminus: * beátus vir, qui
sperat in eo.
33:9
Timéte Dóminum, omnes sancti ejus: * quóniam non est inópia
timéntibus eum.
33:10
Dívites eguérunt et esuriérunt: * inquiréntes autem Dóminum non
minuéntur omni bono.
33:12
Veníte, filii, audíte me: * timórem Dómini docébo vos.
33:13
Quis est homo qui vult vitam: * díligit dies vidére bonos?
33:14
Próhibe linguam tuam a malo: * et lábia tua ne loquántur dolum.
33:15
Divérte a malo, et fac bonum: * inquíre pacem, et perséquere eam.
33:16
Óculi Dómini super justos: * et aures ejus in preces eórum.
33:17
Vultus autem Dómini super faciéntes mala: * ut perdat de terra
memóriam eórum.
33:18
Clamavérunt justi, et Dóminus exaudívit eos: * et ex ómnibus
tribulatiónibus eórum liberávit eos.
33:19
Juxta est Dóminus iis, qui tribuláto sunt corde: * et húmiles
spíritu salvábit.
33:20
Multæ tribulatiónes justórum: * et de ómnibus his liberábit eos
Dóminus.
33:21
Custódit Dóminus ómnia ossa eórum: * unum ex his non conterétur.
33:22
Mors peccatórum péssima: * et qui odérunt justum, delínquent.
33:23
Rédimet Dóminus ánimas servórum suórum: * et non delínquent
omnes qui sperant in eo.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Venite post me, dicit Diis, faciam vos fieri piscatores hominum
Ant.
Relictis retibus suis, secuti sunt Dominum Redemptorem
Psalmus 44
[3]
44:1
Eructávit cor meum verbum bonum: * dico ego ópera mea Regi
44:2
Lingua mea cálamus scribæ: * velóciter scribéntis.
44:3
Speciósus forma præ fíliis hóminum, diffúsa est grátia in lábiis
tuis: * proptérea benedíxit te Deus in ætérnum.
44:4
Accíngere gládio tuo super femur tuum, * potentíssime.
44:5
Spécie tua et pulchritúdine tua: * inténde, próspere procéde, et
regna.
44:6
Propter veritátem, et mansuetúdinem, et justítiam: * et dedúcet
te mirabíliter déxtera tua.
44:7
Sagíttæ tuæ acútæ, pópuli sub te cadent: * in corde inimicórum
Regis.
44:8
Sedes tua, Deus, in sæculum sæculi: * virga directiónis virga
regni tui.
44:9
Dilexísti justítiam, et odísti iniquitátem: * proptérea unxit
te, Deus, Deus tuus, óleo lætítiæ præ consórtibus tuis.
44:10
Myrrha, et gutta, et cásia a vestiméntis tuis, a dómibus
ebúrneis: * ex quibus delectavérunt te fíliæ regum in honóre
tuo.
44:10
Ástitit regína a dextris tuis in vestítu deauráto: * circúmdata
varietáte.
44:11
Audi fília, et vide, et inclína aurem tuam: * et oblivíscere
populum tuum et domum patris tui.
44:12
Et concupíscet Rex decórem tuum: * quóniam ipse est Dóminus Deus
tuus, et adorábunt eum.
44:13
Et fíliæ Tyri in munéribus * vultum tuum deprecabúntur: omnes
dívites plebis.
44:14
Omnis glória ejus fíliæ Regis ab intus, * in fímbriis áureis
circumamícta varietátibus.
44:15
Adducéntur Regi vírgines post eam: * próximæ ejus afferéntur
tibi.
44:16
Afferéntur in lætítia et exsultatióne: * adducéntur in templum
Regis.
44:17
Pro pátribus tuis nati sunt tibi fílii: * constítues eos
príncipes super omnem terram.
44:18
Mémores erunt nóminis tui: * in omni generatióne et generatiónem.
44:18
Proptérea pópuli confitebúntur tibi in ætérnum: * et in sæculum
sæculi.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Relictis retibus suis, secuti sunt Dominum Redemptorem
V.
In omnem terram exivit sonus eorum.
R.
Et in fines orbis terrae verba eorum.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua, sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Exaudi, Domine Jesu Christe, preces servorum tuorum, et miserere nobis:
Qui cum Patre et Spiritu Sancto vivis et regnas in saecula
saeculorum. Amen.
V.
Jube domne benedicere.
Benedictio.
Benedictione
perpetua benedicat nos Pater aeternus. Amen.
Lectio 1
De Epistola beati Pauli Apostoli ad Romanos.
Rom 10:4-9
4
Finis enim legis, Christus, ad justitiam omni credenti.
5
Moyses enim scripsit, quoniam justitiam, quae ex lege est, qui
fecerit homo, vivet in ea.
6
Quae autem ex fide est justitia, sic dicit: Ne dixeris in corde
tuo: Quis ascendet in caelum? id est, Christum deducere:
7
Aut, Quis descendet in abyssum? hoc est, Christum a mortuis
revocare.
8
Sed quid dicit Scriptura? Prope est verbum in ore tuo, et in
corde tuo: hoc est verbum fidei, quod praedicamus.
9
Quia si confitearis in ore tuo Dominum Jesum, et in corde tuo
credideris quod Deus illum suscitavit a mortuis, salvus eris.
V.
Tu autem Domine miserere nobis.
R.
Deo gratias
R.
Cum perambularet Dominus juxta mare Galilaeae vidit Petrum et
Androam rotia mittentes in mare, et vocavit eos, dicens:
* Venite post me, faciam vos fieri piscatores hominum.
V.
Erant enim piscatores, et ait illis.
R.
Venite post me, faciam vos fieri piscatores hominum.
V.
Jube domne benedicere.
Benedictio.
Unigenitus
Dei Filius nos benedicere et adjuvare dignetur. Amen
Lectio 2
Rom 10:10-15
10
Corde enim creditur ad justitiam: ore autem confessio fit ad
salutem.
11
Dicit enim Scriptura: Omnis qui credit in illum, non confundetur.
12
Non enim est distinctio Judaei et Graeci: nam idem Dominus
omnium, dives in omnes qui invocant illum.
13
Omnis enim quicumque invocaverit nomen Domini, salvus erit.
14
Quomodo ergo invocabunt, in quem non crediderunt? aut quomodo
credent ei, quem non audierunt? quomodo autem audient sine
praedicante?
15
Quomodo vero praedicabunt nisi mittantur? sicut scriptum est:
Quam speciosi pedes evangelizantium pacem, evangelizantium bona
!
V.
Tu autem Domine miserere nobis.
R.
Deo gratias
R.
Mox ut vocem Domini praedicantis audivit beatus Androas,
relictis retibus, quorum usu actuque vivebat,
* Aeternae vitae secutus est praemia largientem.
V.
Hic est qui pro amore Christi pependit in cruce, et pro lege
ejus sustinuit passionem.
R.
Aeternae vitae secutus est praemia largientem.
V.
Jube domne benedicere.
Benedictio.
Spiritus
Sancti gratia illuminet sensus et corda nostra. Amen.
Lectio 3
Rom 10:16-21
16
Sed non omnes obediunt Evangelio. Isaias enim dicit: Domine,
quis credidit auditui nostro?
17
Ergo fides ex auditu, auditus autem per verbum Christi.
18
Sed dico: Numquid non audierunt? Et quidem in omnem terram
exivit sonus eorum, et in fines orbis terrae verba eorum.
19
Sed dico: Numquid Israël non cognovit? Primus Moyses dicit: Ego
ad aemulationem vos adducam in non gentem: in gentem insipientem,
in iram vos mittam.
20
Isaias autem audet, et dicit: Inventus sum a non quaerentibus
me: palam apparui iis qui me non interrogabant.
21
Ad Israël autem dicit: Tota die expandi manus meas ad populum
non credentem, et contradicentem.
V.
Tu autem Domine miserere nobis.
R.
Deo gratias
R.
Doctor bonus, et amicus Dei Andreas ducitur ad crucem, quam a
longe aspiciens dixit: Salve crux,
* Suscipe discipulum ejus, qui pependit in te magister meus
Christus.
V.
Salve crux, quae in corpore Christi dedicata es: et ex membris
ejus tamquam margaritis ornata.
R.
Suscipe discipulum ejus, qui pependit in te magister meus
Christus.
V.
Glória Patri, et Fílio, * et Spirítui Sancto.
R.
Suscipe discipulum ejus, qui pependit in te magister meus
Christus.
Nocturn II.
Ant.
Dignum sibi Dominus computavit Martyrem, quem vocavit Apostolum,
dum esset in mari, alleluia
Psalmus 46
[4]
46:1
Omnes gentes, pláudite mánibus: * jubiláte Deo in voce
exsultatiónis.
46:2
Quóniam Dóminus excélsus, terríbilis: * Rex magnus super omnem
terram.
46:3
Subjécit pópulos nobis: * et gentes sub pédibus nostris.
46:4
Elégit nobis hereditátem suam: * spéciem Jacob, quam diléxit.
46:5
Ascéndit Deus in júbilo: * et Dóminus in voce tubæ.
46:6
Psállite Deo nostro, psállite: * psállite Regi nostro, psállite.
46:7
Quóniam Rex omnis terræ Deus: * psállite sapiénter.
46:8
Regnábit Deus super gentes: * Deus sedet super sedem sanctam
suam.
46:9
Príncipes populórum congregáti sunt cum Deo Ábraham: * quóniam
dii fortes terræ veheménter eleváti sunt.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Dignum sibi Dominus computavit Martyrem, quem vocavit Apostolum,
dum esset in mari, alleluia
Ant.
Dilexit Andream Dominus in odorem suavitatis
Psalmus 60
[5]
60:1
Exáudi, Deus, deprecatiónem meam: * inténde oratióni meæ.
60:2
A fínibus terræ ad te clamávi: * dum anxiarétur cor meum, in
petra exaltásti me.
60:3
Deduxísti me, quia factus es spes mea: * turris fortitúdinis a
fácie inimíci.
60:4
Inhabitábo in tabernáculo tuo in sæcula: * prótegar in velaménto
alárum tuárum.
60:5
Quóniam tu, Deus meus, exaudísti oratiónem meam: * dedísti
hereditátem timéntibus nomen tuum.
60:6
Dies super dies regis adjícies: * annos ejus usque in diem
generatiónis et generatiónis.
60:7
Pérmanet in ætérnum in conspéctu Dei: * misericórdiam et
veritátem ejus quis requíret?
60:8
Sic psalmum dicam nómini tuo in sæculum sæculi: * ut reddam vota
mea de die in diem.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Dilexit Andream Dominus in odorem suavitatis
Ant.
Biduo vivens pendebat in cruce beatus Andreas pro Christi
nomine, et docebat populum
Psalmus 63
[6]
63:1
Exáudi, Deus, oratiónem meam cum déprecor: * a timóre inimíci
éripe ánimam meam.
63:2
Protexísti me a convéntu malignántium: * a multitúdine
operántium iniquitátem.
63:3
Quia exacuérunt ut gládium linguas suas: * intendérunt arcum rem
amáram, ut sagíttent in occúltis immaculátum.
63:4
Súbito sagittábunt eum, et non timébunt: * firmavérunt sibi
sermónem nequam.
63:5
Narravérunt ut abscónderent láqueos: * dixérunt: Quis vidébit
eos?
63:6
Scrutáti sunt iniquitátes: * defecérunt scrutántes scrutínio.
63:7
Accédet homo ad cor altum: * et exaltábitur Deus.
63:8
Sagíttæ parvulórum factæ sunt plagæ eórum: * et infirmátæ sunt
contra eos linguæ eórum.
63:9
Conturbáti sunt omnes qui vidébant eos: * et tímuit omnis homo.
63:10
Et annuntiavérunt ópera Dei, * et facta ejus intellexérunt.
63:11
Lætábitur justus in Dómino, et sperábit in eo, * et laudabúntur
omnes recti corde.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Biduo vivens pendebat in cruce beatus Andreas pro Christi
nomine, et docebat populum
V.
Constitues eos principes super omnem terram.
R.
Memores erunt nominis tui Domine.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Ipsius pietas et misericordia nos adjuvet, qui cum Patre et Spiritu
Sancto vivit et regnat in saecula saeculorum.
Amen.
V.
Jube domne, benedicere.
Benedictio.
Deus Pater
omnipotens sit nobis propitius et clemens. Amen.
Lectio 4
Andreas Apostolus Bethsaidae natus, qui est Galilaeae vicus,
frater Petri, discipulus Joannis Baptistae, cum eum de Christo
dicentem audisset: Ecce Agnus Dei; secutus Jesum, fratrem quoque
suum ad eumdem perduxit: cum postea una cum fratre piscaretur in
mari Galilaeae, ambo a praetereunte Christo Domino ante alios
Apostolos vocati illis verbis: Venite post me, faciam vos fieri
piscatores hominum; nullam interponentes moram, et relictis
retibus secuti sunt eum. Post cujus passionem et resurrectionem,
Andreas, cum in Scythiam Europae, quae ei provincia ad Christi
fidem disseminandam obtigerat, venisset, deinde Epirum ac
Thraciam peragrasset; doctrina et miraculis innumerabiles
homines ad Christum convertit. Post Patras Achajae profectus, et
in ea urbe plurimis ad veritatem evangelicam perductis, Aegeam
proconsulem, praedicationi evangelicae resistentem, liberrime
increpavit, quod, qui judex hominum haberi vellet, Christum Deum
omnium judicem a daemonibus elusus non agnosceret.
V.
Tu autem Domine miserere nobis.
R.
Deo gratias
R.
Homo Dei ducebatur ut crucifigerent eum: populus autem clamabat
voce magna, dicens:
* Innocens ejus sanguis sine causa damnatur.
V.
Cumque ducerent eum ut crucifigeretur, factus est concursus
populorum clamantium, et dicentium.
R.
Innocens ejus sanguis sine causa damnatur.
V.
Jube domne, benedicere.
Benedictio.
Christus
perpetuae det nobis gaudia vitae. Amen.
Lectio 5
Tum Aegeas iratus, Desine, inquit, Christum jactare, cui similia
verba nihil profuerunt, quo minus a Judaeis crucifigeretur.
Andream vero de Christo nihilominus libere praedicantem quod pro
salute humani generis se crucifigendum obtulisset, impia
oratione interpellat, ac demum hortatur, ut sibi cdnsulens, diis
velit immolare. Cui Andreas: Ego omnipotenti Deo, qui unus et
verus est, immolo quotidie, non taurorum carnes, nec hircorum
sanguinem, sed immaculatum Agnum in altari: cujus carnem
posteaquam omnis populus credentium manducaverit, Agnus, qui
sacrificatus est, integer perseverat et vivus. Quamobrem ira
accensus Aegeas, jubet eum in carcerem detrudi: unde populus
Andream facile liberasset, nisi ipse sedasset multitudinem,
vehementius rogans, ne se ad optatissimam martyrii coronam
properantem impedirent.
V.
Tu autem Domine miserere nobis.
R.
Deo gratias
R.
O bona crux, quae decorem et pulchritudinem de membris Domini
suscepisti; accipe me ab hominibus, et redde me magistro meo:
* Ut per te me recipiat, qui per te me redemit.
V.
Beatus Andreas expansis manibus ad caelum orabat, dicens:Salva
me bona crux.
R.
Ut per te me recipiat, qui per te me redemit.
V.
Jube domne, benedicere.
Benedictio.
Ignem sui
amoris accendat Deus in cordibus nostris. Amen.
Lectio 6
Igitur paulo post in tribunal productum, cum Aegeas crucis
extollentem mysteria, sibique suam impietatem exprobrantem
diutius ferre non posset, in crucem tolli, et Christi mortem
imitari jussit. Adductus
Andreas ad locum martyrii, cum crucem vidisset, longe exclamare
coepit: O bona crux, quae decorem ex membris Domini suscepisti,
diu desiderata, sollicite amata, sine intermissione quaesita, et
aliquando cupienti animo pra> parata: accipe me ab hominibus, et
redde me magistro meo: ut per te me recipiat, qui per te me
redemit. Itaque cruci affixus est: in qua biduum vivus pendens,
et Christi fidem praedicare numquam intermittens, ad eum
migravit, cujus mortis similitudinem concupierat. Quae omnia
presbyteri et diaconi Achajae, qui ejus passionem scripserunt,
se ita ut commemorata sunt, audisse et vidisse testantur. Ejus
ossa primum Constantino imperatore Constantinopolim, deinde
Amalphim translata sunt. Caput, Pio secundo Pontifice, Romam
allatum, in basilica sancti Petri collocatum est.
V.
Tu autem Domine miserere nobis.
R.
Deo gratias
R.
Expandi manus meas tota die in cruce ad populum non credentem,
sed contradicentem mihi:
* Qui ambulant vias non bonas, sed post peccata sua.
V.
Deus ultionum Dominus, Deus ultionum libere egit: exaltare qui
judicas terram, redde retributionem superbis.
R.
Qui ambulant vias non bonas, sed post peccata sua.
V.
Glória Patri, et Fílio, * et Spirítui Sancto.
R.
Qui ambulant vias non bonas, sed post peccata sua.
Nocturn III.
Ant.
Non me permittas Domine, famulum tuum a te separari: tempus est
ut commendetur terrae corpus meum, et me ad te venire jubeas
Psalmus 74
[7]
74:1
Confitébimur tibi, Deus: * confitébimur, et invocábimus nomen
tuum.
74:2
Narrábimus mirabília tua: * cum accépero tempus, ego justítias
judicábo.
74:3
Liquefácta est terra, et omnes qui hábitant in ea: * ego
confirmávi colúmnas ejus.
74:4
Dixi iníquis: Nolíte iníque ágere: * et delinquéntibus: Nolíte
exaltáre cornu:
74:5
Nolíte extóllere in altum cornu vestrum: * nolíte loqui advérsus
Deum iniquitátem.
74:6
Quia neque ab Oriénte, neque ab Occidénte, neque a desértis
móntibus: * quóniam Deus judex est.
74:7
Hunc humíliat, et hunc exáltat: * quia calix in manu Dómini vini
meri plenus misto.
74:8
Et inclinávit ex hoc in hoc: verúmtamen fæx ejus non est
exinaníta: * bibent omnes peccatóres terræ.
74:9
Ego autem annuntiábo in sæculum: * cantábo Deo Jacob.
74:10
Et ómnia córnua peccatórum confríngam: * et exaltabúntur córnua
justi.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Non me permittas Domine, famulum tuum a te separari: tempus est
ut commendetur terrae corpus meum, et me ad te venire jubeas
Ant.
Andreas vero rogabat populum, ut non impediret passionem ipsius
Psalmus 96
[8]
96:1
Dóminus regnávit, exsúltet terra: * læténtur ínsulæ multæ.
96:2
Nubes, et calígo in circúitu ejus: * justítia, et judícium
corréctio sedis ejus.
96:3
Ignis ante ípsum præcédet, * et inflammábit in circúitu inimícos
ejus.
96:4
Illuxérunt fúlgura ejus orbi terræ: * vidit, et commóta est
terra.
96:5
Montes, sicut cera fluxérunt a fácie Dómini: * a fácie Dómini
omnis terra.
96:6
Annuntiavérunt cæli justítiam ejus: * et vidérunt omnes pópuli
glóriam ejus.
96:7
Confundántur omnes, qui adórant sculptília: * et qui gloriántur
in simulácris suis.
96:8
Adoráte eum, omnes Ángeli ejus: * audívit, et lætáta est Sion.
96:9
Et exsultavérunt fíliæ Judæ, * propter judícia tua, Dómine:
96:10
Quóniam tu Dóminus Altíssimus super omnem terram: * nimis
exaltátus es super omnes deos.
96:11
Qui dilígitis Dóminum, odíte malum: * custódit Dóminus ánimas
sanctórum suórum, de manu peccatóris liberábit eos.
96:12
Lux orta est justo, * et rectis corde lætítia.
96:13
Lætámini, justi, in Dómino: * et confitémini memóriæ
sanctificatiónis ejus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Andreas vero rogabat populum, ut non impediret passionem ipsius
Ant.
Accipe me ab hominibus, et redde me magistro meo: ut per te me
recipiat, qui per te me redemit alleluia
Psalmus 98
[9]
98:1
Dóminus regnávit, irascántur pópuli: * qui sedet super Chérubim,
moveátur terra.
98:2
Dóminus in Sion magnus: * et excélsus super omnes pópulos.
98:3
Confiteántur nómini tuo magno: quóniam terríbile, et sanctum
est: * et honor regis judícium díligit.
98:4
Tu parásti directiónes: * judícium et justítiam in Jacob tu
fecísti.
98:5
Exaltáte Dóminum, Deum nostrum, et adoráte scabéllum pedum ejus:
* quóniam sanctum est.
98:6
Móyses et Aaron in sacerdótibus ejus: * et Sámuel inter eos, qui
ínvocant nomen ejus:
98:7
Invocábant Dóminum, et ipse exaudiébat eos: * in colúmna nubis
loquebátur ad eos.
98:8
Custodiébant testimónia ejus, * et præcéptum quod dedit illis.
98:9
Dómine, Deus noster, tu exaudiébas eos: * Deus, tu propítius
fuísti eis, et ulcíscens in omnes adinventiónes eórum.
98:10
Exaltáte Dóminum, Deum nostrum, et adoráte in monte sancto ejus:
* quóniam sanctus Dóminus, Deus noster.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Accipe me ab hominibus, et redde me magistro meo: ut per te me
recipiat, qui per te me redemit alleluia
V.
Nimis honorati sunt amici tui Deus.
R.
Nimis confortatus est principatus eorum.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
A vinculis peccatorum nostrorum absolvat nos omnipotens et misericors
Dominus. Amen.
V.
Jube domne benedicere.
Benedictio.
Evangelica
lectio sit nobis salus et protectio. Amen.
Lectio 7
Lectio sancti Evangelii secundum Matthaeum.
Matt 4:18-22
In illo tempore: Ambulans Jesus juxta mare Galilaeae, vidit duos
fratres, Simonem, qui vocatur Petrus, et Andream fratrem ejus,
mittentes rete in mare. Et reliqua.
Homilia sancti Gregorii Papae.
Homilia 5. in
Evangelia.
Audistis,fratres carissimi,quia ad unius jussionis vocem Petrus
et Andreas relictis retibus secuti sunt Redemptorem.
Nulla vero hunc facere adhuc miracula
viderant; nihil ab eo de praemio aeternae retributionis
audierant: et tamen ad unum Domini praeceptum, hoc quod
possidere videbantur, obliti sunt. Quanta nos ejus miracula
videmus, quot flagellis affligimur, quantis minarum
asperitatibus deterremur, et tamen vocantem sequi contemnimus?
V.
Tu autem Domine miserere nobis.
R.
Deo gratias
R.
Oravit sanctus Andreas, dum respiceret in coelum, et voce magna
clamavit et dixit: Tu es Deus meus, quem vidi: ne me patiaris ab
impio judice deponi:
* Quia virtutem sanctae crucis agnovi.
V.
Tu es magister meus Christus, quem dilexi, quem cognovi, quem
confessus sum: tantummodo in ista voce exaudi me.
R.
Quia virtutem sanctae crucis agnovi.
V.
Jube domne benedicere.
Benedictio.
Cujus festum
colimus, ipse intercedat pro nobis ad Dominum. Amen.
Lectio 8
In coelo jam sedet, qui de conversione nos admonet: jam jugo
fidei colla Gentium subdidit, jam mundi gloriam stravit, jam
ruinis ejus crebrescentibus, districti sui judicii diem
propinquantem denuntiat: et tamen superba mens nostra adhuc non
vult hoc sponte deserere, quod quotidie perdit invita. Quid
ergo, fratres carissimi, quid in ejus judicio dicturi sumus, qui
ab amore praesentis saeculi nec praeceptis flectimur, nec
verberibus emendamur?
V.
Tu autem Domine miserere nobis.
R.
Deo gratias
R.
Videns crucem Andreas exclamavit, dicens: O crux admirabilis, o
crux desiderabilis, o crux quae per totum mundum rutilas:
* Suscipe discipulum Christi, ac per te me recipiat, qui per te
moriens me redemit.
V.
O bona crux, quae decorem et pulchritudinem de membris Domini
suscepisti.
R.
Suscipe discipulum Christi, ac per te me recipiat, qui per te
moriens me redemit.
V.
Jube domne benedicere.
Benedictio.
Ad societatem
civium supernorum perducat nos Rex Angelorum.
Amen.
Lectio 9
Sed fortasse aliquis tacitis sibi cogitationibus dicat: Ad vocem
Dominicam uterque iste piscator quid, aut quantum dimisit, qui
pene nihil habuit? Sed hac in re, fratres carissimi, affectum
debemus potius pensare, quam censum. Multum reliquit, qui sibi
nihil retinuit: multum reliquit, qui quantumlibet parum, totum
deseruit. Certe nos et habita cum amore possidemus, et ea, quae
minime habemus, ex desiderio quaerimus. Multum ergo Petrus et
Andreas dimisit, quando uterque etiam desideria habendi
dereliquit.
V.
Tu autem Domine miserere nobis.
R.
Deo gratias
Te Deum
Te
Deum laudamus: te Dominum confitemur.
Te aeternum Patrem, omnis terra veneratur.
Tibi omnes angeli,
tibi coeli et universae potestates:
Tibi cherubim et seraphim incessabili voce proclamant:
Sanctus, Sanctus, Sanctus, Dominus Deus Sabaoth.
Pleni sunt coeli et terra majestatis gloriae tuae.
Te gloriosus apostolorum chorus,
Te prophetarum laudabilis numerus,
Te martyrum candidatus laudat exercitus.
Te per orbem terrarum sancta confitetur Ecclesia,
Patrem immensae majestatis;
Venerandum tuum verum et unicum Filium;
Sanctum quoque Paraclitum Spiritum.
Tu rex gloriae, Christe.
Tu Patris sempiternus es Filius.
Tu, ad liberandum suscepturus hominem,
non horruisti Virginis uterum.
Tu, devicto mortis aculeo,
aperuisti credentibus regna coelorum.
Tu ad dexteram Dei sedes, in gloria Patris.
Judex crederis esse venturus.
Sequens versus dicitur flexis
genibus
Te ergo quaesumus, tuis famulis subveni, quos pretioso sanguine
redemisti.
Aeterna fac cum sanctis tuis in gloria numerari.
Salvum fac
populum tuum, Domine, et benedic hereditati tuae.
Et rege eos, et extolle illos usque in aeternum.
Per singulos dies benedicimus te; et laudamus nomen tuum in
saeculum, et in saeculum saeculi.
Dignare, Domine, die isto sine
peccato nos custodire.
Miserere nostri, Domine, miserere nostri.
Fiat misericordia tua, Domine, super nos,quemadmodum speravimus
in te.
In te, Domine, speravi: non confundar in aeternum.
Omit sequentibus nisi
Laudes separandum est
Oratio
{ex Proprio Sanctorum}
V.
Domine exaudi orationem meam
R.
Et clamor meus ad te veniat
Oremus
Majestatem tuam Domine suppliciter exoramus: ut sicut Ecclesiae
tuae beatus Andreas Apostolus exstitit praedicator et rector;
ita apud te sit pro nobis perpetuus intercessor.
Per
Dominum nostrum Jesum Christum, Filium tuum: qui tecum vivit et
regnat in unitate Spiritus Sancti Deus, per omnia saecula
saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusion
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen. |
