|
Il Sacerdote che si accinge a celebrare la
Santa Messa provvede a raccogliersi spiritualmente e a distaccarsi dal
mondo: recita in sacrestia, prima ancora di indossare i paramenti sacri,
le preghiere prescritte.
Queste preghiere sono composte da una parte generale, dalle orazioni da
dirsi a seconda del giorno, dalle orazioni di sant'Ambrogio e di san
Tommaso d'Aquino, alla S. Vergine Maria, a san Giuseppe, a tutti gli
Angeli e i Santi, al Santo in onore del quale si celebra la S. Messa e
dalla formula di intenzione per la celebrazione.
Prima di assistere alla S. Messa,
costituisce eccellente preparazione ad Essa e alla S. Comunione recitare
le seguenti preghiere.
Prepararsi con la Chiesa e ringraziare Iddio con Essa, significa
assicurarsi una buona Comunione ed una piena partecipazione
al Sacrificio dell'Altare e quindi a quello della Croce.
Antiphona
Ne
reminiscáris, * Dómine, delícta nostra, vel paréntum nostrórum, neque
vindíctam sumas de peccátis nostris. (T. P.: Allelúia).
Psalmus 83
Quam
dilécta habitátio tua, Dómine exercítuum! * desíderat, lànguens
concupíscit ánima mea in átria Dómini;
Cor meum, et caro mea * exultánt ad Deum vivum.
Etiam passer invénit domum: * et hirúndo nidum sibi, ubi ponat
pullos suos:
Altária tua, Dómine exercítuum: * Rex meus, et Deus meus! -
Beáti, qui hábitant in domo tua, Dómine, * perpétuo laudant te.
Beátus vir, cuius auxílium est a te, * cum sacra itínera in ánimo
hábet:
Transeúntes per vallem áridam, fontem fácient eam, * ac
beneditiónibus véstiet eam plúvia prima.
Procédent de róbore in róbur: * vidébunt Deum deórum in Sion. -
Dómine exercítuum, áudi oratiónem meam; * áuribus pércipe, Deus
Iacob.
Clípeus noster, áspice, Deus, * et réspice fáciem uncti tui.
Vere, mélior est dies unus in átriis tuis, * quam álii mílle;
Consístere malo in límine domus Dei mei, * quam morári in
tabernáculis peccatórum.
Nam sol et clípeus est Dóminus Deus: * grátiam et glóriam
largítur Dóminus;
Non negat bona eis * qui ámbulant in innocéntia.
Dómine
exercítuum, * beátus homo qui cónfidit in te.
Gloria Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Psalmus 84
Propítius
fuísti, Dómine, terrae tuae; * bene vertísti sortem Iacob.
Dimisísti culpam pópuli tui; * operuísti ómnia peccáta eórum.
Continuísti ómnem iracúndiam tuam, * destitísti a furóre irae
tuae. -
Restítue nos, Deus Salvátor noster, * et depóne indignatiónem
tuam advérsus nos.
Num
in ætérnum irascéris nobis, * aut exténdes iram tuam in omnes
generatiónes?
Nonne
tu vitam restítuet nobis, * et pópulus tuus laetábitur in te?
Osténde nobis, Dómine, misericórdiam tuam, * et salútem tuam da
nobis.
Audiam,
quid loquátur Dóminus Deus, * profécto lóquitur pacem
Pópulo suo et sanctis suis * et eis qui corde convertúntur ad eum.
Certe
propínqua est salus eius timéntibus eum, * ut hábitet glória in terra
nostra.
Misericórdia et fidélitas óbviam vénient sibi, * iustítia et pax
inter se osculabúntur.
Fidélitas germinábit ex terra, * et iustítia de coelo prospíciet.
Dóminus quoque dábit bonum, * et terra nostra dábit fructum suum.
Iustítia ante eum incédet, * et salus in via gréssuum eius.
Gloria Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Psalmus 85
Inclína, Dómine, áurem tuam, exáudi me, * quia miser et pauper
sum ego.
Custódi ánimam meam, quia devótus sum tibi; * salvum fac servum
tuum sperántem in te.
Deus meus es tu: miserére mei, Dómine, * quia assídue ad te
clamo.
Lætífica ánimam servi tui, * quia ad te, Dómine, ánimam meam
attóllo.
Tu énim, Dómine, es bonus et clémens, * plenum misericórdiæ in
omnes qui ínvocant te.
Auscúlta, Dómine, oratiónem meam, * et atténde ad vocem
obsecratiónis meæ.
Die tribulatiónis meæ clamo ad te, * quia exáudies me.
Non est tibi par inter deos, Dómine, * et non est opus símile
óperi tuo:
Omnes gentes, quas fecísti, vénient et adorábunt te, Dómine, * et
praedicábunt nomen tuum.
Quia magnus es tu et facis mirabília, * tu solus es Deus. -
Doce me, Dómine, viam tuam, ut ámbulem in veritáte tua, * dírige
cor meum, ut tímeat nomen tuum.
Celebrábo te, Dómine, Deus meus, toto corde meo, * et praedicábo
nomen tuum in ætérnum.
Quia misericórdia tua magna fuit erga me, * et eripuísti ánimam
meam de profúndis inférni.
Deus, supérbi insurrexérunt contra me, et turba praepoténtium
insidiátur vitae meae, * neque te ponunt ante óculos suos..
Sed tu, Dómine, Deus miséricors es et benígnus, * tardus ad
iram, summe clémens et fidélis.
Réspice in me, et miserére mei; * da robur tuum servo tuo et
salvum fac fílium ancíllae tuae.
Sígnum da mihi favóris tui, ut vídeant, qui odérunt me et
confundántur, * quod tu, Dómine, adiúveris me et consolátus sis me.
Gloria Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Psalmus 115
Confísus sum, étiam cum dixi: * "Ego afflíctus sum valde";
Ego dixi in pavóre meo: * "Omnis homo fallax!"
Quid retríbuam Dómino, * pro ómnibus quæ tríbuit mihi?
Cálicem salutáris accípiam: * et nómen Dómini invocábo.
Vota mea Dómino reddam * coram ómni pópulo eius.
Pretiósa est in óculis Dómini, * mors sanctórum eius.
O Dómine, ego servus tuus sum, ego servus tuus, fílius ancíllae
tuae: * solvísti víncula mea.
Tibi sacrificábo sacrifícium laudis, * et nomen Dómini invocábo.
Vota mea Dómino reddam * cora omni pólulo eius,
In átriis domus Dómini, * in médio tui, Ierúsalem.
Gloria Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Psalmus 129
De profúndis clamo ad te, Dómine: * Dómine, áudi vocem meam.
Fiant áures tuae inténtae * ad vocem obsecratiónis meae.
Si delictórum memóriam serváveris, Dómine, * Dómine, quis
sustinébit?
Sed penes te est peccatórum vénia, * ut cum reveréntia serviátur
tibi.-
Spero in Dóminum, * spérat ánima mea in verbum eius;
Exspéctat ánima mea Dóminum, * magis quam custódes auróram. -
Magis quam custódes auróram, * exspéctat Israel Dóminum,
Quia penes Dóminum misericórdia, * et copiósa penes eum
redémptio.
Et ipse rédimet Israël * ex ómnibus iniquitátibus eius.
Gloria Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Antiphona
Ne reminiscáris, * Dómine, delícta nostra, vel paréntum
nostrórum, neque vindíctam sumas de peccátis nostris. (T. P.: Allelúia).
Kyrie, eléison
Christe, eléison
Kyrie, eléison
Pater noster…………
(se c’è il ministrante risponde)
S - et ne nos indúcas in tentatiónem
M - sed líbera nos a malo.
S - Ego dixi: Dómine, miserére mei.
M - Sana ánimam meam, quia peccávi tibi.
S - Convértere, Dómine, aliquántulum.
M - Et deprecáre super servos tuos.
S - Fiat misericórdia tua, Dómine, super nos.
M - Quemádmodum sperávimus in te.
S - Sacerdótes tui induántur iustítiam.
M - Et sancti tui exsúltent.
S - Ab occúltis meis munda me, Dómine.
M - Et ab aliénis parce servo tuo.
S - Dómine, exáudi oratiónem meam.
M - Et clámor meus ad te véniat.
Orémus
Aures tuae pietátis, mitíssime Deus, inclina précibus nostris, et
gratia Sancti Spíritus illúmina cor nostrum: ut tuis mystériis digne
ministrare, teque aetérna caritate dilígere mereámur.
Deus, cui omne cor patet et omnis volúntas lóquitur, et quem
nullum latet secrétum: purífica per infusiónem Sancti Spíritus
cogitationes cordis nostri; ut te perfécte dilígere et digne laudare
mereámur.
Ure igne Sancti Spíritus renes nostros et cor nostrum, Dómine: ut
tibi casto córpore serviámus, et mundo corde placeámus.
Mentes nostras, quaésumus, Dómine, Paráclitus, qui a te procédit,
illúminet: et indúcat in omnem, sicut tuus promísit Fílius, veritátem.
Adsit nobis, quaésumus, Dómine, virtus Spíritus Sancti: quae et
corda nostra cleménter expúrget, et ab ómnibus tueátur advérsis.
Deus, qui corda fidélium Sancti Spíritus illustratione docuisti:
da nobis in eódem Spíritu recta sápere; et de eius semper consolatione
gaudere.
Consciéntias nostras, quaésumus, Dómine, visitándo purífica: ut
véniens Dóminus noster Iesus Christus, Fílius tuus, parata sibi in nobis
invéniat mansiónem: Qui tecum vivit et regnat in unitate Spíritus
Sancti, Deus, per omnia saécula saéculorum. Amen.
(
Preghiere prima della Messa )
Orazione di Sant'Ambrogio
Ad mensam dulcíssimi convívii tui, pie Dómine Iesu Christe, ego
peccátor de própriis meis méritis nihil praesúmens, sed de tua confídens
misericórdia et bonitáte, accédere véreor et contremísco. Nam cor et
corpus hábeo multis crimínibus maculátum, mentem et linguam non caute
custodítam. Ergo, o pia Déitas, o treménda maiéstas, ego miser, inter
angústias deprehénsus, ad te fontem misericórdiae recúrro, ad te festíno
sanándus, sub tuam protectiónem fúgio: et, quem iúdicem sustinére
néqueo, salvatórem habére suspíro.
Tibi, Dómine, plagas meas osténdo, tibi verecúndiam meam détego. Scio
peccáta mea multa et magna, pro quíbus tímeo: spero in misericórdias
tuas, quárum non est númerus. Réspice ergo in me óculis misericórdiae
tuae, Dómine Iesu Christe, Rex aetérne, Deus et homo, crucifíxus propter
hóminem. Exáudi me sperántem in te: miserére mei pleni misériis et
peccátis, tu qui fontem miseratiónis numquam manáre cessábis.
Salve, salutáris víctima, pro me et omni humáno génere in
patíbulo crucis oblata.
Salve, nóbilis et pretióse sánguis, de vulnéribus crucifíxi Dómini mei
Iesu Christi prófluens, et peccáta totíus mundi ábluens.
Recordáre, Dómine, creatúrae tuae, quam tuo sánguine redemísti. Poénitet
me peccásse, cúpio emendáre quod feci.
Aufer ergo a me, clementíssime Pater, omnes iniquitátes et peccáta mea;
ut, purificátus mente et córpore, digne degustáre mérear Sancta
sanctórum.
Et concéde, ut haec sancta praelibátio córporis et sánguinis tuis, quam
ego indígnus súmere inténdo, sit peccatórum meórum remíssio, sit
delictórum perfécta purgátio, sit túrpium cogitatiónum effugátio ac
bonórum sénsuum regenerátio, operúmque tibi placéntium salúbris
efficácia, ánimae quoque et córporis contra inimicórum meórum insídias
firmíssima tuítio. Amen.
Orazione di San Tommaso
d'Aquino
Omnípotens,
sempitérne Deus, ecce accédo ad sacraméntum unigéniti Fílii tui, Dómini
nostri, Iesu Christi; accédo tamquam infírmus ad médicum vitae, immúndus
ad fontem misericórdiae, caecus ad lumen claritátis aetérnae, páuper et
egénus ad Dóminum coeli et terrae.
Rogo ergo imménsae largitátis tuae abundántiam, quátenus meam curáre
dignéris infirmitátem, laváre foeditátem, illumináre caecitátem, ditáre
paupertátem, vestíre nuditátem; ut panem Angelórum, Regem regum et
Dóminum dominántium, tanta suscípiam reveréntia et humilitáte, tanta
contritióne et devotióne, tanta puritáte et fide, tali propósito et
intentióne, sicut éxpedit salúti ánimae meae.
Da mihi, quaeso, domínici Córporis et Sánguinis non solum suscípere
sacraméntum, sed étiam rem et virtútem sacraménti.
O mitíssime Deus, da mihi Corpus unigéniti Fílii tui, Dómini nostri,
Iesu Christi, quod traxit de Vírgine Maria, sic suscípere, ut córpori
suo mystico mérear incorporári, et inter eius membra connumerári.
O amatíssime Pater,
concéde mihi diléctum Fílium tuum, quem nunc velátum in via suscípere
propóno, reveláta tandem fácie perpétuo contemplári: Qui tecum vivit et
regnat in unitáte Spíritus Sancti, Deus, per ómnia saécula saeculórum.
Amen.
Dopo aver recitato le
preghiere, il Sacerdote prepara il Messale e il Calice, quindi indossa i
paramenti sacri baciando la croce posta sull'amitto, sul manipolo e
sulla stola, e nell'indossarli recita, per ognuno di essi, la preghiera
prescritta.
Orazioni
da dirsi mentre il sacerdote indossa i paramenti sacerdotali
(Mentre si lava le mani)
Da,
Dómine, virtútem mánibus meis ad abstergéndam omnem máculam: ut sine
pollutióne mentis et córporis váleam tibi servíre.
(All'amitto, mentre se lo poggia sul capo)
Impóne,
Dómine, cápiti meo gáleam salútis, ad expugnándos diabólicos incúrsus.
(Al camice, mentre lo indossa)
Deálba
me, Dómine, et munda cor meum; ut, in Sánguine Agni dealbátus, gáudiis
pérfruat sempitérnis.
(Al cíngolo, mentre se ne cinge)
Praecínge
me, Dómine, cingulo puritátis, et extíngue in lumbis meis humórem
libídinis; ut máneat in me virtus continéntiae et castitátis.
(Al manipolo, mentre se lo pone sul braccio
sinistro)
Mérear,
Dómine, portáre manípulum fletus et dolóris; ut cum exsultatióne
recípiam mercédem labóris.
(Alla stola, mentre se la pone sul collo)
Redde
mihi, Dómine, stolam immortalitátis, quam pérdidi in praevaricatióne
primi paréntis: et, quamvis indígnus accédo ad tuum sacrum mystérium,
mérear tamen gáudium sempitérnum.
(Alla pianeta, mentre se la impone)
Dómine,
qui dixísti: Iugum meum suave est, et onus meum leve: fac, ut istud
portáre sic váleam, quod cónsequar tuam grátiam. Amen.
Benedictio aquae
Quando si fa l’aspersione
il Sacerdote, rivestito dei paramenti sacri (senza manipolo e pianeta),
prepara in sacrestia l'acqua benedetta: acqua che userà poi per
l'aspersione dei fedeli.
S - Adiutórum
nostrum + in nómine Dómini.
M - Qui feci coélum et terram.
(Esorcismo del sale)
S - Exorcízo te, creatúra salis,
per Deum + vivum, per Deum + verum, per Deum +
sanctum, per Deum, qui te per Eliséum prophétam in aquam mitti iussit,
ut sanarétur sterílitas aquae: ut efficiáris sal exorcizátum in salútem
credéntium: et sis ómnibus suméntibus te sánitas ánimae et córporis et
effúgiat atque discédat a loco, in quo aspérsum fúeris, omnis phantásia
et nequítia vel versútia diabólicae fraudis, omnísque spíritus immúndus
adiurátur per eum qui ventúrus est iudicáre vivos et mórtuos, et
saéculum per ignem.
M - Amen.
Oremus.
S - Imménsam cleméntiam tuam, omnípotens aetérne Deus, humíliter
implorámus: ut hanc creatúram salis, quam in usum géneris humáni
tribuísti, bene+dícere, et sancti+ficare tua pietáti
dignéris: ut sit ómnibus suméntibus salus mentis et córporis: et
quídquid ex eo tactum vel respérsum fúerit, cáreat omni immundítia,
omníque impugnatióne spiritális nequítiae. Per Dóminum nostrum Iesum
Christum, Fílium tuum, qui tecum vivit et regnat in unitáte Spíritus
Sancti, Deus, per omnia saécula saeculórum.
M - Amen.
(Esorcismo dell’acqua)
S - Exorcízo te, creatúra aquae,
in nómine Dei + Patris omnipoténtis, et in nómine Iesu +
Christi Fílii eius Dómini nostri, et in virtúte Spíritus +
Sancti: ut fias aqua exorcizáta ad effugándam omnem potestátem inimíci,
et ipsum inimícum eradicáre, et explantéare váleas cum ángelis suis
apostátitcis: per virtútem eiúsdem Dómini nostri Iesu Christi: qui
ventúrus est iudicáre vivos et mórtuos, et saéculum per ignem.
M - Amen.
Oremus.
S - Deus, qui ad salútem humáni géneris, máxima quaéque
sacraménta in aquárum substántia condidísti: adésto propítius
invocatiónibus nostris, et eleménto huic multímodis purificatiónibus
praeparáto, virtútem tuae bene+dictiónis infúnde: ut creatúra tua
mystériis tuis sérviens, ad abigéndos dáemones, morbósque pelléndos,
divínae grátiae sumat efféctum: ut quídquid in dómibus vel in locis
fidélium haec unda respérserit, cáreat omni immundítia, liberétur a
noxa: non illic resídeat spíritus péstilens, non áura corrúmpens:
discéndat omnes insídiae laténtis inimíci: et si quid est, quod aut
incolumitáti habitántium ínvidet, aut quiéti, aspersióne huius aquae
effúgiat atque discédat: ut salúbritas per invocatiónem sancti tui
nóminis expetíta, ab ómnibus sit impugnatiónibus defénsa. Per Dóminum
nostrum Iesum Christum, Fílium tuum, qui tecum vivit et regnat in
unitáte Spíritus Sancti, Deus, per omnia saécula saeculórum.
M - Amen.
(Mescolanza del sale e dell'acqua: per
tre volte a mo' di croce)
S - Commíxtio salis et aquae
párite fiat, in nómine Pa+tris, et Fí+lii, et Spíritus
+ Sancti.
M - Amen.
S - Dóminus vobíscum
M - Et cum spíritu tuo.
Oremus.
S - Deus invíctae virtútis áuctor, et insuperábilis impérii Rex,
ac semper magníficus triunphátor: qui advérsae dominatiónis vires
réprimis: qui inimíci rugiéntis saevítiam súperas: qui hostíles
nequítias poténter expúgnas: te, Dómine, treméntes et súpplices
deprecámur ac pétimus ut hanc creatúram salis et aquae dignánter
aspícias, benígnus illústres, pietátis tuae rore sanctífices: ut
ubicúmque fúerit aspérsa, per invocatiónem sancti nómnis tui, omnis
infestátio immúndi spíritus abigátur: terrórque venenósi serpéntis
procul pellátur: et praeséntia sancti Spíritus nobis misericórdiam tuam
poscéntibus, ubíque adésse dignétur. Per Dóminum nostrum Iesum Christum,
Fílium tuum, qui tecum vivit et regnat in unitáte eiúsdem Spíritus
Sancti, Deus, per omnia saécula saeculórum.
M - Amen.
Il Sacerdote si reca nel
presbiterio rivestito col piviale e asperge i fedeli con l'acqua
benedetta.
Il coro e i fedeli, che
rimangono in piedi, cantano insieme al Sacerdote l'Antifona e il Salmo
dell'Asperges o del Vidi Aquam.
Nel corso dell'aspersione, i fedeli chínano il capo e si ségnano +.
Aspersio
Extra tempus paschale
(Nella I Domenica di
Passione non si dice il Gloria Patri
nella II Domenica di Passione o delle Palme non si fa l'aspersione)
Antiphona
Aspérges
me, Dómine, hyssópo et mundábor: lavábis me, et super nivem dealbábor.
Psalmus 50
Miserére
mei, Deus, secúndum magnam misericórdiam tuam.
Gloria Patri, et Filio, * et Spirítui Sancto,
Sicut erat in princípio et nunc et semper, * et in sæcula
sæculórum. Amen.
Antiphona
Aspérges
me, Dómine, hyssópo et mundábor: lavábis me, et super nivem dealbábor.
S - Osténde nobis, Dómine, misericórdiam tuam.
M - Et salutáre tuum da nobis.
S - Dómine exáudi oratiónem meam.
M - Et clamor meus ad te véniat.
S - Dóminus vobíscum.
M - Et cum spíritu tuo.
Oremus
S - Exáudi nos, Dómine sancte, Pater omnípotens, aetérne Deus, et
míttere dignéris sanctum ángelum tuum de coélis, qui custódiat, fóveat,
prótegat, vísitet, atque deféndat omnia habitántes in hoc habitáculo:
Per Christum Dóminum nostrum.
M - Amen.
Tempore paschali
(Dalla Domenica di Pasqua fino alla Pentecoste inclusa)
Antiphona
Vidi
aquam egrediéntem de Templo a látere dextro, allelúia;
Et omnes ad quos pervénit aqua ista salvi facti sunt, et dícent:
allelúia, allelúia.
Psalmus 117
Confitémini
Dómino quóniam bonus: quóniam in saéculum misericórdia eius.
Gloria
Patri, et Filio, * et Spirítui Sancto.
Sicut erat in princípio et nunc et semper, * et in sæcula
sæculórum. Amen.
Antiphona
Vidi
aquam egrediéntem de Templo a látere dextro, allelúia;
Et omnes ad quos pervénit aqua ista salvi facti sunt, et dícent:
allelúia, allelúia.
S - Osténde nobis, Dómine, misericórdiam tuam, Allelúia.
M - Et salutáre tuum da nobis, Allelúia.
S - Dómine exáudi oratiónem meam.
M - Et clamor meus ad te véniat.
S - Dóminus vobíscum.
M - Et cum spíritu tuo.
Oremus
S - Exáudi nos, Dómine sancte, Pater omnípotens, aetérne Deus, et
míttere dignéris sanctum ángelum tuum de coélis, qui custódiat, fóveat,
prótegat, vísitet, atque deféndat omnia habitántes in hoc habitáculo:
Per Christum Dóminum nostrum.
M - Amen.
|